Grondbesit

Verklaring van TLU SA • 1 Mei 2019

TLU SA dring daarop aan dat die waarheid oor die geskiedenis van grondbesit sy regmatige plek inneem bo die verdraaide en vals weergawes wat dikwels verkondig word.

Al loop die leuen nog so snel, die waarheid agterhaal hom wel.

So het mnr. Louis Meintjes, destydse president van TLU SA, dit gestel. Die TLU SA-lid mnr. Werner Weber het met die hulp van verskeie rolspelers in die geskiedenis gedelf en die feite in die boek The South African Land Issue weergegee.

“Ons wil graag hê dat mense hulle vergewis van die ware feite van grondbesit in Suid-Afrika voordat hulle aan die debat daaroor deelneem. Versprei gerus die inligting aan alle Suid-Afrikaners,” het mnr. Meintjes gesê.